Kua kimi koe i!
Kō!
TE RAPUNGA
Te Ahuwhenua
I te taenga mai o ō tātou tūpuna ki Aotearoa, ka tautohungia e rātou ngā āhuatanga rerekē o te taiao. Nā te rerekē o te āhuarangi ki tēnei whenua hou me te makariri, i urutau ō tātou tūpuna i wā rātou tukanga ahuwhenua kia pai ai te tupu o te kai ki tēnei whenua hou. He aha ētahi o ngā tūmomo hua i mauria mai e ō tātou tūpuna? He aha ētahi o ngā tukanga ahuwhenua i whakamahia e ngā tūpuna? He aha ētahi tikanga hou i waihangatia e ō tātou tūpuna mō te mahinga kai ki Aotearoa nei?
NGOHE 1: Maramataka me te ahuwhenua
Kia 20 meneti ki ia ākonga ki te rangahau i te maramataka Māori. Me tito i tētahi waiata, pao, whakatauākī, haka rānei ki te whakaatu i wā rātou akoranga mō te maramataka me te whakatō kai.
NGOHE 2: Te hoahoa māra kai
Kia 20 meneti ki ia ākonga ki te hoahoa i tētahi māra kai mō te kura, mō te kāinga rānei. Me tautohu ngā…
-
Rauemi ka whakamahia kia hanga i te māra
-
Ngā inenga me ngā ahunga o te māra
-
Te maha o te one / paru e hiahiatia mō te māra
-
Ngā huawhenua ka whakatōkia
NGOHE TĀPIRI 3: Te hanga māra kai
(he nui ake pea te wā mō tēnei ngohe i tērā ka whakaarotia)
Kia 2.5 hāora ki ia ākonga ki te kohi i ngā rauemi i whakaraupapatia ki tā rātou pepa hoahoa māra kai, ki te waihanga i tō rātou māra kai, ki te whakatō hoki i wā rātou hua whenua. Me whakamahi i ngā mea e whai ake nei.
-
He rau, he rakau maroke
-
He one / paru
-
He wairākau
-
He tupu, he kākano rānei.
Developed by ARA Journeys and Te Pu-a-nga Maara for Te Māhurehure Marae.
An internet connection is required to use Te Hekenga. Data charges may apply.